Årsmøte Ottadalen Sykkelklubb Vågå Hotell 15.februar 2008

Frammøtte: Arne Heier, Tore Johansen, Tore Sundero, Arild Lillebråten, Jørn Mikalsen, Thore Berntsen, Pål Haugen, Hans Ødegård, Per Ivar Weydahl, Lars Kåre Mork, Christen Tellefsen, Anders Nordnes, Kjell Ivar Brun og Gudbrand Mo.

Leiar i klubben Per Ivar Weydahl ynskjer velkommen.

Sak 1. Innkalling og årsmelding.

Per Ivar Weydahl går gjennom årsmeldinga.

Ingen har noko å seie på årsmeldinga eller innkallinga til årsmøtet.

Sak 2. Rekneskap og budsjett.

Kasserar Anders Nordnes går gjennom rekneskapet for 2007 og budsjett for 2008.

Resultatet viser eit underskot på kr 23.000. Dette har samanheng med store innkjøp av sykkelklede som blir seld i 2008. Klubben har kr 115.000 på konto og klubbklede for 83.000 på lager ved nyttår 2008. Rekneskap og budsjett blir einstemmig vedteke.

Anders sender ut rekneskap for 2007 og budsjett for 2008 på e-mail til alle medlemmar.

Sak 3. Medlemskontingent for 2009

Det blir framlagt forslag om at medlemskontingenten skal aukast frå 150 kr til 200 kr for enkeltmedlemmar og frå 200 kr til 250 kr for familiemedlemskap.

Einstemmig vedteke.

Sak 4. Val

Marthe Berntsen og Jon Aasvang Dalen går ut av styret.

Arne Heier blir vald til nytt styremedlem for 2 år.

Det har vore problem med å skaffe nye til styret i klubben. Det blir drøfta om antall styremedlemmar kan reduserast frå 6 til 5. Dette blir einstemmig vedteke.

Nytt styre for 2008 blir:

Per Ivar Weydahl – formann

Anders Nordens – kasserar

Pål Haugen - nestleiar

Arne Heier

Gudbrand Mo

Vara: Erik Trønnes

Kjetil Steineide går ut som medlem av valkomiteèn. Tore Sundero blir vald som nytt medlem or 2 år. Nils Arne Haugen held fram som revisor.

Valkomiteèn for 2008:

Lars Kåre Mork og Tore Sundero.

Revisor Nils Arne Haugen.

Sak 4. Rekrutteringstiltak.

Klubben har hatt ei auke i medlemmar dei siste åra. Aktiviteten har vore stor både på landevegen og i terreng ritt, men tilgangen på aktive medlemmar i ung alder er svært dårleg.

Det blir drøfta kva som skal til for å få med fleire ungdommar på trening og ritt. Eit problem som blir nemnt er at intensiteten på trening er såpass høg, at det er vanskeleg å bli med dersom ein ikkje held eit ganske høgt nivå frå fyrste stund. Dette kan løysast ved å informere enda betre om at tempoet skal tilpassast alle under oppvarming og avslutning av treningsturar. Det er viktig at ein eller to tek seg spesielt av nye på trening. På turane som skal vera rolege er det viktig å vera bevisst på at alle skal køyre samla så langt som råd.

Christen Tellefsen tek ansvar for å dra i gang ei gruppe for unge/ungdommar i Heidalen.

Ingen andre konkrete prosjekt kom fram.

Sak 5. Treningsplan for 2008.

Det vart drøfta treningsplan for sesongen 2008. Treningskveldane blir som før, med ein kveld på Lalm og ein kveld i Vågå midt i veka. I helgane blir det langtur på søndag. Det var brei einigheit om at treningsplanen hadde fungert ganske godt fram til Sankt-Hans og Trondheim-Oslo i fjor. Etter dette vart det litt meir variert fordi det ikkje var laga ein god og detaljert treningsplan. Kjell Ivar Brun får ansvaret for å lage treningsplan for off-road sesongen, med blanding av rolege turar og intervalltrening. Pål Haugen lagar opplegg for vårsesongen på racersykkel. Det er viktig å få til nokre felles turar for alle, uansett kvar deltakarane er busett.

Sak 6. Orientering om Team Gudbrandsdal.

Også i år skal klubben ha felles startpulje i lagkonkurransene på Trondheim og Lillehammer-Oslo, med Lågen og Lillehammer CK. Tore Sundero og Nils Kvehaugen er pådrivarane for Trondheim-Oslo mens det enno ikkje er nokon som har dratt i gang eit eventuelt lag frå Lillehammer. Det blir oppsette treningsdagar for dette samarbeidet utover våren. Dette blir på søndagar og det blir prioritert langturar og lagkøyring. Tore Sundero melder om at det er ganske stor interesse for opplegget og allereie mange påmeldte. Han understreka at treningane er åpne for alle interessert og ikkje berre dei som skal delta på Trondheim eller Lillehammer- Oslo.

Møtet slutt

Gudbrand Mo

skrivar